Zabalgana BHI LGTBIQ+ fobiaren aurka!

Gaur, MAIATZAK 17, institutuko ikasleak eta irakasleak batu gara ozenki esateko aski dela! Eraso homofobo, lesbofobo, transfoborik gabeko gizarte baten alde!

DBHko 3. mailako eta Batxilergoko 1. mailako ikasleak Donostiako Eureka Museoan egon ziren apirilaren 26an. Zientziaren museoan tailer hauetan parte hartu zuten: 3. mailako ikasleek Lego Robotika eta Zelulen Mundua tailerretan eta batxilergoko ikasleek, berriz, Planetariumean eta Plastinationera bisita gidatuan.

Tailer horietan ikasleek hainbat zelula-lagin ikusi ahal izan zituzten mikroskopioaren bidez, giza organo errealak aztertu eta ukitu ahal izan zituzten, unibertsoari bira bat eman zioten eta legoz egindako robotekin esperimentatu zuten besteak beste. Esperientzia harrigarri horien ondoren, museoko hainbat gunetan sartzeko aukera izan zuten.

Irteera amaitzeko, geldialdi bat egin zuten Orion eta itsasoa ikusten zuten bitartean, batzuk jan eta beste batzuk, aldiz, atseden hartu zuten.

Apirilaren 11an Idazleak Ikastetxean programari esker JOHN ANDUEZA idazlearen bisita jaso zuten DBH 2. mailako ikasleek.

Euskara ikasgaian irakurritako “San Ferminetan, Lesakan” liburuaren inguruan hitz egin eta solasaldi bikaina izan zuten. Mila esker!

Ostiralean, apirilak 8, SCIENCE BITES ekitaldia izan genuen Zabalgana Gizarte Etxean.

Hitzaldira Aran García-Lekue, Aitor Arnaiz eta Irene de la Cruz-Pavía zientzialariak gonbidatu genituen.

Gure ikasleek adimen artifizialari, nanozientziari edo hizkuntzaren prozesamenduari buruzko galderak egiteko aukera izan zuten. Motibagarria izan zen!

Mila esker Zabalgana BHIko Zientzia Batzordeari horrelako hitzaldiak antolatzeagatik!